返回列表 發帖

極度無公德心嘅鄰居

我樓上位鄰居平日已經無咩公德心,一到周末就成日開大個 Hi-Fi,大到我可以完全聼到咩歌同歌詞!!!平日就超級大腳步聲,好似恐龍行路咁,完全知道佢行到屋企邊個位置!之前已經成日向管理處投訴,投訴到我自己都覺得煩!今晚仲過分,有幾個人不停咁向露台對話,完全可以聼到對話内容。當時已經半夜一點幾,投訴完,唔夠半小時又有聲,再投訴。到而家等到半夜三點半,都仍然有聲要再投訴。我屋企已經開住電視機,但都仍然可以好清楚聽到對話。

咁無家教咁無公德心嘅人我都係第一次見。。。。:183:

Cuekit,  系我都顶唔顺   

TOP

叫警方插手吧,無辦法!

TOP

樓上位鄰居實在太過份!!!!

今晚由十一點幾就開始嘈,所以就intercom同管理處投訴。之後我亦向服務員表示可以到我單位聼聲,當服務員上完嚟之後,亦已經到外圍確定該正確單位並希望我配合試出露台聼澡音。其實管理處已經能夠確定該單位,並嘗試用intercom同按門鐘聯絡該單位住戶,但該住戶完全無理會,無應門或intercom。到最後要管理處代本人用本人名義報警投訴。。。希望稍後會有改善啦!

我超級有衝動開大露台叫上去嗌“樓上細聲D!!!”:183:

TOP

你在什麼座樓層和單位? :132:

TOP

原帖由 cuekit 於 2010-2-2 11:56 PM 發表
樓上位鄰居實在太過份!!!!

今晚由十一點幾就開始嘈,所以就intercom同管理處投訴。之後我亦向服務員表示可以到我單位聼聲,當服務員上完嚟之後,亦已經到外圍確定該正確單位並希望我配合試出 ...

咁有禮貌
比我會叫樓上數嗲

TOP

回復 #5 chanho 的帖子

2座低層A單位

TOP

當晚警察好快就到達,同我講會上樓上同該單位住戶反映同作出勸諭。但點知該單位住戶賤到無開門俾警察,特意唔應門,就連差人都無佢乎。點解我會用個“賤”字?!因爲當晚我聼到腳步聲,同有物件跌落地嘅聲。咁試問該單位當時又點會無人向屋内呢?!唔通當時有邋遢嘢?!好驚我會嚇死隻鬼。。。

TOP

Then, what further action the police advise?

TOP

警方話佢哋同管理處都會備案有記錄,如果真係再發生嘅話,都係通知管理處同報警。。。。

超級無奈。。。

TOP

返回列表